Me ftesë të ministrit të Mbrojtjes Armend Mehaj, sot në Kosovë do të arrijë për një vizitë gjenerali amerikan dhe miku i madh i shqiptarëve, Wesley Clark.

Ai pritet të arrijë ne Aeroportin Adem Jashari rreth orës 9:00.

Ceremonia e pritjes do të mbahet sot me 7 korrik 2021, ditë e mërkurë, duke filluar në ora 10:00, në ambientet e Ministrisë së Mbrojtjes.

Gjeneral Clark do të pritet me nderime të larta ushtarake nga njësia ceremoniale e FSK-së.

Pas takimit, ministri Mehaj dhe gjeneral Clark, do të kenë adresime për media.

Gjatë ditës agjenda e gjeneralit Clark do të jetë si në vijim:
Takim me Ministren e Punëve të Jashtme zonjën Donika Gërvalla-Shvarc.
Takim me Kryeministrin zotin Albin Kurti.
Takim me Presidenten zonjën Vjosa Osmani.
Takim me Kryetarin e Parlamentit zotin Glauk Konjufca./arbresh.info/